श्री राम मंदिर भूमिपूजन सोहळ्यानिमित्त खेड तालुक्यात कार्यकर्त्यांचा जल्लोष

चाकण : आज ( दि. ५ ऑगस्ट ) आयोद्धेत श्रीराम मंदिराचा भुमिपुजन सोहळा पंतप्रधान नरेंद्र मोदी यांच्या हस्ते संपन्न झाला असताना खेड तालुक्यात जिल्हा परिषद सदस्य व भाजपचे खेड तालुकाध्यक्ष अतुल देशमुख यांनी सपत्नीक घरासमोर गुढी उभारुन आजचा आनंदाचा दिवस साजरा केला. चाकण शहरात शिवसेनेचे उपविभाग प्रमुख स्वामी कानपिळे व सेनेच्या कार्यकर्त्यांनी फटाक्यांची आतिषबाजी करून नागरिकांना पेढे वाटून आनंदोत्सव साजरा केला. यावेळी मनोज पांडे, हर्षल कापसे, सुनील गाडे, विशाल कापरे, मंगलसिंग रावना, राहुल पांचाळ, विशाल म्हस्के आदी कार्यकर्ते उपस्थित होते.