काव्यमंच : सखी शुक्राची चांदणी
✡सखी शुक्राची चांदणी✡
————————–
मला पाहूनी हासली
जणु शुक्राची चांदणी
मज पाहे काव्यांगणी
म्हणे गेले आनंदुनी ॥धृ ॥
खुलविते काव्यलता
मजहुनी ग देखणी
अशी दिधली ग कुणी
तुला सुंदर लेखणी॥१॥
हर्ष झाला माझ्या मनी
काव्यलता ही पाहूनी
सुखावले मनोमनी
दूर जरी नभांगणी ॥२॥
कुठे शिकली ही कला
अशी सुंदर देखणी
कशी उपजते अशी
कला तुझिया ग मनी ॥३॥
म्हणे शुक्राची चांदणी
मजलागी संवादुनी
मज भावली नवेली
अशी सखी नभांगणी ॥४॥
— निसर्गसखी सौ मंगला मधुकर रोकडे.
