काव्यमंच : काटे कोरांटी
काव्यमंच : काटे कोरांटी
——————————-
जरी काट्यात फुलते
नांव काट्याची कोरांटी
सोन्या सारखी फुलते
माझी सोनसळी कांती॥धृ॥
गंध जरी मंद माझा
रंग खुलविते कांती
जरी काटे कोरांटी मी
राना मधली रानटी॥१॥
झाली *निसर्गसखीच्या*
पहा मनाची मी शांती
येता कवितेत तिच्या
झाली कवितेची क्रांती॥२॥
रुप रंग गंध माझा
जगी कुणी न जाणती
भाव माझिया मनाचे
शब्द सखीचे जाणती॥३॥
अशी काव्यात फुलते
एक काट्याची कोरांटी
जरी काटे कोरांटी मी
माझी सोनसळी कांती॥४॥
* निसर्गसखी सौ मंगला मधुकर रोकडे
🌼🌼 🌼🌼🌼🌼 🌼🌼
