काव्यमंच : दुनियेत हेच खरं

दुनियेत हेच खरं
——————
आली सरं सरं सरं
आली श्रावणाची सर
रुप सृष्टीचं घेऊन
अहा हसरं नाचरं ॥धृ ॥
आली सर तशी गेली
ऊन हासलं हासरं
आली फिरुन ऊन्हात
सर जशी मोतीसर ॥१॥
हिच्या सोबत कमान
इंद्रधनु ची धुसरं
दृश्य असं हे अनोखं
काय सांगू मनोहर ॥२॥
अशी श्रावणाची भासे
उन्हामधे सोनसर
रक्षा बंधनाचा त्यात
सोनियाचा अवसर ॥३॥
नाही मोठी याच्याहून
बहिणीला सोनसर
बळ लाभो ह्या नात्याला
दुनियेत हेच खरं ॥४॥

निसर्गसखी मंगला मधुकर रोकडे