तपासणी सरकारी रुग्णालयात, तर उपचारासाठी फोन खासगी रुग्णालयातून, रॅकेटची शक्‍यता ?

कोरोना टेस्ट करताय शहरवासीयांनो सावधान! निगेटिव्ह रुग्णास पॉझिटिव्ह सांगून दबाव आणण्याचा प्रयत्न

“कोरोनामुळे नागरिक भयभीत झाले आहेत. आपले कुटुंबीय पॉझिटिव्ह आले होते. 22 दिवसानंतर महापालिकेच्या रुग्णालयात तपासणी केली असता खासगी रुग्णालयाकडून पुन्हा पॉझिटिव्ह असल्याचे सांगितल्यामुळे पतीला मानसिक धक्‍का बसला असून पुन्हा ते आजारी पडले आहेत. रुग्णांची फसवणूक करणाऱ्यांची चौकशी करून हे रॅकेट उद्धवस्त केले पाहिजे.”- कमल घोलप, भाजप नगरसेविका 

“अशी घटना लोकप्रतिनिधीच्या बाबतीत घडली म्हणून उघडकीस येत आहे, परंतु शहरातील सामान्य नागरिकांवर असे अनेक प्रसंग आले असणार आहेत. त्यामुळे कोरोना विषयी ऍडमिट करण्यासाठी फोन आले असल्यास संपर्क साधावा आणि याबाबतीत शहरातील नागरिकांनी सावध रहावे. व या प्रकरणाची सखोल चौकशी करावी”. प्रा. उत्तम केंदळे भाजप नगरसेवक