दौड पत्रकार संघाच्या सदस्यांना किट वाटप

दौंड : दौड तालुका पत्रकार संघाचे सदस्यांना  सॅनिटायर्स किटचे वाटप यवत महसूल मंडल अधिकारी दीपक कोकरे यांचे हस्ते  करण्यात आले.

यावेळी गाव कामगार तलाठी अशोक कांबळे, यवतचे तलाठी भाटिया, पत्रकार परिषद प्रतिनिधी एम. जी. शेलार, पत्रकार हितेंद्र गद्रे, संतोष जगताप आदी उपस्थित होते.

पत्रकारांना कोरोना काळात काम करताना काही सुविधा उपलब्ध करून द्याव्यात, अशी सूचना पत्रकार परिषदेचे प्रमुख  एस. एम. देशमुख यांनी केली होती. यानुसार कार्यध्यक्ष शरद पाबळे, विभागीय सचिव बापूसाहेब गोरे, जिल्हा अध्यक्ष सुनील लोणकर याचे मार्गदर्शनाखाली यवत मंडल अधिकारी यांच्याशी संपर्क साधून किटसाठी प्रयत्न केले. या किटमध्ये सॅनिटायजर्स, मास्क व अन्य आवश्यक घटक आहेत.

किट वाटप केल्याबद्दल जेष्ठ पत्रकार शेलार यांनी यवत महसूल विभागाचे आभार मानले आहे.