श्री गणेशाचा जयघोष करत मानाच्या गणपतीचे विसर्जन
मुसळधार पावसाने विसर्जनाच्या आनंदावर विरजण
महाबुलेटिन न्युज/तुषार वहिले
वडगाव मावळ : मावळ तालुक्याचे श्रद्धास्थान असलेले श्री पोटोबा देवस्थान संस्थानचा मानाचा पहिला गणपती सार्वजनिक गणेशोत्सव निमित्त आज अखेरच्या दिवशी वडगाव मावळ पोलीस स्टेशनचे पोलीस निरीक्षक सुरेश निंबाळकर व गणेश तावरे यांचे हस्ते आरती घेऊन श्री गणपती बाप्पा मोरया चा जयघोष करत मानाच्या गणपतीचे विसर्जन महादेव मंदिर विहीर या ठिकाणी करण्यात आले.
यावेळी मुख्य विश्वस्त सोपानराव म्हाळसकर, उपाध्यक्ष गणेशआप्पा ढोरे, सचिव अनंता कुडे, सहसचिव किरण भिलारे, खजिनदार चंद्रकांत ढोरे, विश्वस्त सल्लागार अँड तुकाराम काटे, विश्वस्त अरुण चव्हाण, तुकाराम ढोरे, सुभाषराव जाधव, पुजारी सुरेश गुरव व पुरोहित विश्वासराव भिडे आदी उपस्थित होते.
गणेशउत्सव शांततेत पार पाडल्याबद्दल देवस्थानच्या वतीने पोलीस निरीक्षक सुरेश निंबाळकर व वरिष्ठ पोलीस गणेश तावरे यांचा सत्कार करण्यात आला. मावळात दुपारनंतर अनेक ठिकाणी मुसळधार पाऊस झाला त्यामुळे अनेकांची गणेशविसर्जनासाठी तारांबळ उडाली.
——–
