राष्ट्रवादीचे आमदार अण्णा बनसोडे यांच्यावर गोळीबार; आमदार बालबाल बचावले… ● एका आरोपीला पोलिसांनी केली अटक…

राष्ट्रवादीचे आमदार अण्णा बनसोडे यांच्यावर गोळीबार; आमदार बालबाल बचावले…
● एका आरोपीला पोलिसांनी केली अटक…

महाबुलेटीन न्यूज : प्रतिनिधी 
पिंपरी चिंचवड : पिंपरी विधानसभेचे विद्यमान आमदार अण्णा बनसोडे यांच्यावर गोळीबार करण्यात आला आहे. सुदैवाने या गोळीबारात कुणीही जखमी झाले नाही. ही घटना आज बुधवार (दि.12) दुपारी एक वाजण्याच्या सुमारास चिंचवड स्टेशनजवळ घडली. तानाजी पवार असे संशयित आरोपीचे नाव असल्याचे समजते. आरोपीने पिस्तूलातून चार गोळ्या झाडल्या आहेत.

पोलिसांनी दिलेल्या माहितीनुसार, बुधवारी ( दि. १२ मे ) दुपारी एक वाजण्याच्या सुमारास चिंचवड स्टेशनजवळ आमदार अण्णा बनसोडे यांचे कार्यालय आहे. त्याच परिसरात एका व्यक्तीने पिस्तूलातून गोळी झाडली. या घटनेत कुणीही जखमी झाले नाही. घटनेची माहिती मिळताच पोलिसांनी आरोपीला ताब्यात घेतले आहे. त्याच्याकडून पिस्टल जप्त करण्यात आले आहे. पोलीस आयुक्त कृष्ण प्रकाश यांच्या मार्गदर्शनाखाली पिंपरी पोलीस अधिक तपास करीत आहेत. 
—–