‘वीज कनेक्शन तोडू नका…वीज कनेक्शन तोडणी’ ला स्थगिती ; उपमुख्यमंत्री अजित पवारांची विधानसभेत घोषणा
‘वीज कनेक्शन तोडू नका…वीज कनेक्शन तोडणी’ ला स्थगिती ; उपमुख्यमंत्री अजित पवारांची विधानसभेत घोषणा
महाबुलेटीन न्यूज : किशोर कराळे
मुंबई : कोरोना काळात पाठवण्यात आलेल्या वाढीव वीजबिलांच्या मुद्द्यावरून सभागृहात आज ( दि. २ मार्च ) गोंधळ उडाला. विधिमंडळ अधिवेशनाच्या कामकाजाला सुरूवात झाल्यानंतर विरोधी पक्षनेते देवेंद्र फडणवीस यांनी प्रश्नोत्तराचा तास तहकूब करून वाढीव वीज बिलाच्या मुद्द्यावर चर्चा घेण्यात यावी, अशी मागणी केली. त्यावरून भाजपा आक्रमक झाली. सभागृहात गोंधळ सुरू झाल्यानंतर उपमुख्यमंत्री अजित पवार यांनी मध्यस्थी करत वीज तोडणी मोहिमेला स्थगिती देत असल्याची घोषणा केली. या घोषणेनंतर विरोधी पक्षनेते देवेंद्र फडणवीस यांनी सरकारचे आभार मानले.
—–
