आंतरराष्ट्रीय ऑनलाइन “ॲबॅकस” परीक्षेत हुतात्मा राजगुरु अकादमीच्या ४ विद्यार्थ्यांना सुवर्णपदक
महाबुलेटीन न्यूज : प्रभाकर जाधव
राजगुरूनगर : ॲबॅकस ही गणिताची एक वेगळी परिभाषा म्हणून गणली जाते. परंतु लोकांपर्यंत त्याचे महत्त्व पाहिजे तितके पोहोचलेले नाही. सन २०१६ पासून राजगुरूनगर ( ता. खेड ) येथील हुतात्मा राजगुरू अकादमी संचालित स्मार्ट कीड ॲबॅकस क्लासेस ही संस्था दरवर्षी आपल्या परीने आपले विद्यार्थी घडविण्याचे काम प्रामाणिकपणे करीत आहे.
नुकत्याच पार पडलेल्या आंतरराष्ट्रीय ऑनलाईन ॲबॅकस परीक्षेमध्ये या क्लासेसच्या ४ विद्यार्थ्यांनी वेगवेगळ्या गटांमध्ये सुवर्णपदक पटकावून तालुक्याचे व अकादमीचे नाव विशिष्ठ उंचीवर नेऊन ठेवले आहे.
अकादमीच्या साहिल जगदीश बल्लाळ, प्रगती इंद्रजीत मांजरे, अनन्या सतीश देवरे, आराध्या सतीश देवरे या ४ विद्यार्थ्यानी विशेष प्राविण्य प्राप्त केल्याने त्यांच्या सन्मानार्थ नुकताच बक्षिस वितरण सोहळा आयोजित करण्यात आला.
या बक्षीस वितरण सोहळ्याला प्रमुख अतिथी म्हणून खंडाळा पोलीस प्रशिक्षण केंद्राचे पोलीस सहाय्यक निरीक्षक अशोक टोके, छावा संघटना महिला प्रदेशाध्यक्ष वैशाली मालकर, नितीन गारगोटे, होलेवाडी गावचे पोलीस पाटील संतोष होले यांसह क्लासचे अनेक विद्यार्थी व त्यांचे पालक मोठ्या संख्येने उपस्थित होते.
कार्यक्रमाचे प्रास्ताविक ॲबॅकस क्लासच्या शुभांगी बल्लाळ, सूत्रसंचालन सतीश देवरे यांनी केले. तर अकादमीचे संस्थापक जगदीश बल्लाळ यांनी सर्वांचे आभार मानले.
हुतात्मा अकादमी खूप छान काम करत आहे आणि हे काम भविष्यात देखील करेल
आमच्यापर्यत अशीच उत्तम माहीती पोहचवत राहा आणि समाजजागृतीचे आपले कर्तव्य उत्तम रित्या बजावत आहात यासाठी तुमचे मनापासून कौतूक 🙏😊
हुतात्मा अकादमी आपल्या समाजात आणि समाजासाठी एक चांगले काम करत आहे. त्यांच्या पुढच्या प्रवासासाठी मी त्यांना शुभेच्छा देतो.