काव्यमंच : आला पहा भाद्रपद

काव्यमंच : आला पहा भाद्रपद

🌞आला पहा भाद्रपद🌞

श्रावणाच्या पाठोपाठ
आला पहा भाद्रपद
सुर्य किरणांचाआला
आक्रमित सोनपथ॥धृ॥

झिमझिम श्रावणाची
याने सोडली आदत
दसर्याच्या स्वगतासी
करु म्हणतो मदत॥१॥

एक महिना आधिच
सुरु झाले पालुपद
करु म्हणे साफसुफ
घरदार सारा पथ॥२॥

दसर्याचा सण मोठा
आला पुढे आश्विनात
पहा जुळलीच विन
असं आश्विनाशी नात॥३॥

असे येतात महिने
पुढे नाते निभवित
नवी येतात देण्यास
शिकवण सदोदित ॥४॥

— निसर्गसखी सखी सौ मंगला मधुकर रोकडे
🌞🌦🌞 🌞🌦🌞