‘शाळा बंद, शिक्षण सुरू’ उपक्रमाअंतर्गत न्हावेड शाळेतील मुलांना सॉफ्टवेअर हाताळण्याची मिळाली सुवर्णसंधी
महाबुलेटीन न्यूज : अविनाश घोलप
आंबेगाव तालुक्यातील दुर्गम, आदिवासी भागातील न्हावेड जिल्हा परिषद शाळेच्या तंत्रस्नेही मुख्याध्यापिका वैशाली भालेराव यांनी लोकसहभातून दोन ॲन्ड्राईड टिव्ही, टॅब, लॅपटॉप तर त्यासाठी लागणारे इयत्ता निहाय सॉफ्टवेअर रोटरी क्लब नारायणगाव हायवेचे अध्यक्ष बाळासाहेब गिलबिले यांच्या माध्यमातून मिळविले.
ऑनलाईन शिक्षण घरीच सुरू झाल्यामुळे पालक सुध्दा आनंदी असुन स्वतः विद्यार्थ्यांसमवेत शिक्षणाचा आनंद घेत आहेत. ‘शाळा बंद, शिक्षण चालू’ या उपक्रमासाठी वरील साहित्य दत्तात्रय केंगले (आयकर अधिकारी), राजश्री आंबटकर (आयकर इन्स्पेक्टर), चंद्रशेखर लावंड (मॅनेजर), प्रमोद नहार (सी.ए) यांनी महत्वपूर्ण आर्थिक योगदान दिले.
या ई-लर्निंग सॉफ्टवेअर साहित्य प्रदान सोहळ्यास आत्माराम जगदाळे, अशोक मावळे, संतोष गवारी, राजू भालेराव, ग्रामस्थ, पालक, शाळा व्यवस्थापन समिती सदस्य तसेच काळू गारे, सखाराम असवले, देमा रढे ,दत्ता आंबवणे, धावजी आसवले आदी उपस्थित होते. कोरोना काळात १ ली ते १० वी च्या मुलांना मोफत शिक्षण देणारे बाबुराव आंबवणे, गजानन असवले यांनी कार्यक्रमाचे नियोजन केले. तर उपशिक्षक संतोष आंबवणे यांनी आभार मानले.
