‘वाघ’ यांच्या शेळीवर बिबट्याचा हल्ला…

नारायणगाव : पिंपळवंडी ( ता. जुन्नर ) येथील निखिल वसंत वाघ यांच्या शेतामध्ये चरायला सोडलेल्या शेळीवर बिबट्याने हल्ला करून ठार मारली आहे.

ही घटना दि. २६ जुलै रोजी सकाळी साडेअकरा वाजता घडली. आडनाव वाघ असलेल्या शेतकऱ्याच्या शेळीवर  बिबट्याने हल्ला केल्यामुळे  परिसरामध्ये ‘वाघांच्या शेळीवर बिबट्याने डल्ला मारला’ अशी एकच चर्चा गंमतीशीरपणे सुरू होती.

दरम्यान वाघ यांची एक शेळी बिबट्याने ठार मारली याबाबत वन विभागाचे श्री. विभुते व बाबाजी खर्गे यांनी घटनेचा पंचनामा केला असून या परिसरात दोन बिबटे वावरत असल्याचे  निखिल वाघ यांनी सांगितले. अनेक वेळा येथे बिबट्याचे पाळीव प्राण्यांवर हल्ले होताहेत म्हणून येथे बिबट्याला पकडण्यासाठी तात्काळ पिंजरा लावावा, अशी मागणी येथील ग्रामस्थांनी वन विभागाकडे केली आहे.