तृतीयपंथी व्यक्तींसाठी ओळखपत्र नोंदणी व मतदान जनजागृती शिबीर संपन्न
पुणे, दि. २३ : सहायक आयुक्त समाज कल्याण, सेंटर फॉर युथ डेव्हलपमेंट अँड ॲक्टिव्हिटीज (सी.वाय.डी.ए.) व मंगलमुखी किन्नर ट्रस्ट, पुणे यांच्या संयुक्त विद्यमाने तृतीयपंथी व्यक्तींसाठी ओळखपत्र नोंदणी व मतदान जनजागृती शिबीराचे आयोजन करण्यात आले.
यावेळी सहायक आयुक्त समाजकल्याण विशाल लोंढे, तृतीयपंथी व्यक्तींच्या मतदारांसाठीच्या ब्रँड ॲम्बेसेडर प्रेरणा वाघेला, सी.वाय.डी.ए.चे प्रितेश कांबळे, मिलन लबडे, मंगलमुखी किन्नर ट्रस्टच्या श्रीमती मन्नत यांच्यासह सुमारे १०० तृतीयपंथी उपस्थित होते.
शिबीरात श्री. लोंढे आणि श्रीमती वाघेला यांनी तृतीयपंथी व्यक्तींना आगामी लोकसभा व विधानसभेच्या निवडणुकीमध्ये मतदानाचा हक्क बजावण्याबाबत आवाहन केले.
