कुरकुंडीच्या वीर जवान सुपुत्राला आसाम बॉर्डरवर वीर मरण, खेड तालुक्यावर शोककळा, एकुलता एक मुलगा देशाला अर्पण… शुक्रवारी कुरकुंडीत शासकीय इतमामात होणार अंत्यसंस्कार
महाबुलेटीन न्यूज : खेड तालुक्यातील कुरकुंडी गावचे सुपुत्र संभाजी ज्ञानेश्वर राळे ( वय २८ ) यांना आसाम बॉर्डरवर वीरमरण आले. ही घटना बुधवारी ता. ६ जानेवारी २०२१ रोजी दुपारी २ वाजता घडली.
या घटनेने कुरकुंडी गावावर शोककळा पसरली आहे. शहीद जवान संभाजी राळे यांचा मृतदेह शुक्रवार दि. ८ जानेवारी सकाळी ८.३० वाजण्याच्या सुमारास लोहगाव विमानतळावर येणार असुन अंत्यसंस्कार त्यांच्या जन्मगावी कुंरकुंडी ( ता. खेड ) येथे शासकीय इतमामात होणार आहे.
शहीद जवान संभाजी राळे अविवाहित होते. त्यांच्यामागे आई, वडील, दोन विवाहीत व एक अविवाहित बहीणी आहेत. एकलुता एक मुलाचे देशासाठी बलिदान गेले, मात्र आई- वडीलांच्या आणि बहिणीच्या आक्रोशाने अवघे समाजमन दु:ख सागरात बुडाले.
