दुरावस्थेतील शाळांच्या दुरुस्तीला लागेल एवढा निधी देऊ – रणजित शिवतरे

विसगाव खोऱ्यात भूमिपूजन संपन्न

महाबुलेटिन नेटवर्क / संतोष म्हस्के

भोर : पुणे जिल्हा परिषदेच्या प्राथमिक शाळांच्या इमारतींना अनेक वर्षे झाल्याने जिल्यातील बहुतांशी शाळांच्या इमारती जुन्या होऊन त्यांची दुरावस्था झालेली आहे. जिल्ह्यातील या दुरावस्था झालेल्या शाळांना दुरुस्तीसाठी लागेल एवढा निधी देऊ, असे प्रतिपादन जिल्हा परिषद उपाध्यक्ष रणजित शिवतरे यांनी भोर तालुक्याच्या दक्षिणेकडील आंबाडे ( ता. भोर ) येथे शाळेच्या दुरुस्तीच्या भूमीपुजन प्रसंगी केले.
विसगाव खोऱ्यातील धावडी येथे स्मशानभूमी, नळपाणी पुरवठा योजना व आंबाडे येथील जिल्हा परिषद प्राथमिक शाळेच्या दुरुस्तीचे भूमिपूजन शिवतरे यांच्या हस्ते करण्यात आले. याप्रसंगी ठराविक कार्यकर्त्यांकडून कोरोनाच्या पार्श्वभूमीवर सोशल डिस्टन्स पाळण्यात आला. यावेळी राष्ट्रवादी काँग्रेसचे तालुकाध्यक्ष संतोष घोरपडे, उपाध्यक्ष अशोकआप्पा शिवतरे, युवा कार्यकर्ते संदीप नांगरे, युवकाध्यक्ष मनोज खोपडे, सरपंच शरद खोपडे, उपसरपंच रुपाली मनोज खोपडे, व्यवस्थापन समिती अध्यक्ष उल्हाळकर, राजेंद्र खोपडे, सचिन पाटणे, कॉन्ट्रॅक्टर संभाजी खोपडे,अभिषेक खोपडे,गोरख खोपडे,बाजीराव खोपडे, ज्ञानेश्वर खोपडे, अविनाश सटाले आदींसह ग्रामस्थ उपस्थित होते.