कोरोना

मी पुन्हा येईन…. मी पुन्हा आलो!

महाबुलेटिन नेटवर्क/शिवाजी आतकरी
मंचर : कोविड 19 आणि त्या अनुषंगाने अफवा, भय, उपचार यांविषयी सातत्याने चर्चा होताना दिसते. कोरोनाग्रस्तांकडे पहाण्याचा दृष्टीकोन बदलताना दिसतो. इतकेच काय एखाद्याच्या तब्येतीविषयी जे चर्वितचर्वण अलीकडे होताना दिसते, ते निश्चितच चुकीचे आहे.
         मी पुन्हा येईन, मी नक्की बरा होईन, असा विश्वास देऊन  मंचर गावचे माजी सरपंच मोहन डावखरे ॲम्बुलन्स मध्ये बसले. कोरोनावर मात करून ते पुन्हा घरी परतले आहेत.. एक महिन्यापेक्षा जास्त काळ ते कोरोना लढाई लढत होते. या लढाईत त्यांनी यशस्वीपणे कोरोनाला मात दिली. त्यांच्या या लढाईदरम्यान त्यांच्या पश्चात अफवा, चर्चा वगैरे जे काही घडले, ते बिनबुडाचे होते. निराधार होते. त्या चर्चेला अर्थ नव्हता. ते माणुसकी विरोधात होते. डावखरे यांच्या तब्येतीविषयी माहिती नसताना बरेच काही बोलले गेले, ते दुर्दैवी होते.
        खरे तर या निमित्ताने अनेक प्रश्न उभे राहतात. खरच ते बरे व्हावे म्हणून कितीजणांनी प्रार्थना केली, अनेकांनी तर त्यांना अनेक वेळा मयत म्हणून घोषित केल्याचे कानावर आले. काही अतिउत्साही मंडळींनी तर त्यांचा अंत्यविधी उरकून टाकल्याचेही कानावर आले.  हा प्रसंग माजी सरपंचावर आला.  उद्या आपल्यावर पण येऊ शकतो, याचे भान मात्र अनेकांना राहिले नाही.
       मंचर शहरात ४७ रुग्णसंख्या  आहे.  अजूनही अनेक जण आपल्याला काहीच होणार नाही या अति आत्मविश्वासात विना मास्क आणि शासकीय नियमाचे पालन न करता वावरत आहेत. आपल्याला काही होणार नाही हा आत्मविश्वास बाळगा, पण तो शासकीय नियम व आरोग्यविषयक काळजी घेऊन!
   आत्मविश्वासाने माजी सरपंच मोहन डावखरे यांनी कोरोना लढाई जिंकली. मात्र कोणत्याही पेशंटच्या मागे त्याच्याबद्दल किंवा त्यांच्या नातेवाईकाबद्दल वाईट बोलू नका. कारण आपल्या सहज बोलण्याचा त्या कुटुंबावर काय परिणाम होत असेल याचा विचार करा.. ह्या गोष्टी काळजाला खटकतात. कोरोना या आजारावर अजून तरी जगात औषध सापडले नाही,असे म्हणतात. पण या कठीण काळात एकमेकाला आधार द्या हेच औषध या रोगावर गुणकारी होऊ शकते.  आपल्याला माणसात अंतर ठेवायला सांगितला आहे.. माणुसकीत नाही, हे माजी सरपंच डावखरे यांच्या उदाहरणावरून लक्षात घ्यायला हवे….
admin

Recent Posts

पुणे-नाशिक व नाशिक-मुंबई राष्ट्रीय महामार्गांच्या दुरुस्तीची तातडीने आवश्यकता; उपमुख्यमंत्री अजित पवार यांची केंद्रीय मंत्री नितीन गडकरींकडे पत्राद्वारे मागणी

महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…

2 months ago

पुणे-रायगड-नगर-नाशिक जिल्ह्यासाठी GOOD NEWS..!

महाबुलेटीन न्यूज | प्रसन्नकुमार देवकर पुणे : हडपसर ते यवत आणि‌ तळेगाव-चाकण शिक्रापूर महामार्गाच्या रुंदीकरणासाठी…

2 months ago

एक वर्षांपासून वाँटेड आरोपीस पिस्तूलसह अटक, गुन्हे शाखा युनिट तीनची कामगिरी

महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…

2 months ago

40 वर्षांच्या तलाठ्यासोबत 20 वर्षीय कॉलेज तरुणी आढळली मृतावस्थेत, पुणे जिल्ह्यातील घटना, कार अन् चपलेमुळे भयंकर प्रकार समोर

महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…

2 months ago

खेड तालुका सहकारी खरेदी विक्री संघाचे संचालकपदी सतीश चांभारे यांची निवड

महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…

3 months ago

This website uses cookies.