नारी शक्ती

महिलांनी स्वतःचे विश्व निर्माण करावे : नितीन गीते

महाळुंगे पोलीस ठाण्यात महिलांचा सन्मान

महाबुलेटीन न्यूज

महाळुंगे इंगळे : “महिला सक्षमीकरणापेक्षा आपण महिला मुक्तीला जास्त महत्व दिले पाहिजे. महिलांनी स्वतःच्या पायावर उभे राहून स्वतःचे विश्व निर्माण करावे,” असे प्रतिपादन महाळुंगे एमआयडीसी पोलीस ठाण्याचे वरिष्ठ पोलीस निरीक्षक नितीन गीते यांनी केले. जागतिक महिला दिनानिमित्त महिला दक्षता समितीच्या सदस्या, महिला पोलीस पाटील आणि महिला पोलीस कर्मचारी व अधिकारी यांचे सत्कार समारंभ प्रसंगी ते बोलत होते.

ते पुढे म्हणाले, “२०१२ साली दिल्लीत निर्भया प्रकरण झाल्यानंतर कायदयात मोठे बदल करण्यात आले असून देशात महिलांच्या तक्रारींना प्राधान्य दिले जात आहे. पालक अल्पवयात मुलांना सर्रास मोबाईल देतात ते देऊ नयेत. खरंतर मुलांना दहावी-बारावी नंतर मोबाईल दिले पाहिजेत. आपला मुलगा-मुलगी यांना आपण घरात कितीही संस्कार दिले तरी ते समाजात गेल्यांनतर वाईट संगतीमुळे बिघडू शकतात. त्यामुळे त्यांचेकडे लक्ष्य देणे गरजेचे आहे. मात्र मुलींकडे अधिकचे लक्ष देत असताना मुलांकडे दुर्लक्ष्य करू नये, त्यासाठी आम्ही परिसरातील शाळांना भेटी देणार आहोत. तसेच काही घटना घडल्यास महिलांनी ११२ नंबरवर कळवावे,” असे आवाहन त्यांनी केले.

यावेळी पोलीस पाटील तृप्ती मांडेकर म्हणाल्या, “महिलांनी परिवर्तनातून विकास करावा. गावोगावी दक्षता समितीच्या महिला पोलीस पाटलांना मदत करतात. महिलांनी गावात काम करताना आपल्या पदाला न्याय द्यावा. चाकण औद्योगिकरणामुळे भाडेकरू वर्ग वाढला असून त्यात परप्रांतीयांची संख्या लक्षणीय आहे. त्यामुळे गुन्हेगारी वाढत आहे. पळून जाणाऱ्या महिला व मुलींचे प्रमाण वाढले आहे. त्यासाठी ग्रामपंचायतींनी गावातील सीसीटीव्ही कॅमेरे कायम चालू ठेवावेत. पोलिसांनी परिसरातील शाळांना कौन्सिलिंग करावे. मुलींना गुड टच व बॅड टच याबाबत ज्ञान द्यावे.”

यावेळी पोलीस उपनिरीक्षक स्वाती लामखडे, महिला पोलीस पाटील संघटनेच्या अध्यक्षा तृप्तीताई मांडेकर, महिला दक्षता समितीच्या सदस्या बेबीताई कड, सरिता वाघमारे, महिला पोलीस काळे मॅडम यांनी मनोगत व्यक्त केले. पोलीस ठाण्याच्या वतीने सर्व महिलांना पुष्पगुच्छ व भेटवस्तू देऊन सन्मानित करण्यात आले. यावेळी महिला दक्षता समिती सदस्या व महिला अत्याचार तक्रार समितीच्या केंद्रीय सदस्या मंगलताई देवकर, रत्नाताई पिंगळे, सीमाताई साठे, गीताबाई मांडेकर, सर्व सदस्या, महिला पोलीस पाटील व महिला पोलीस कर्मचारी उपस्थित होते.

गुन्हे शाखेचे पोलीस निरीक्षक संतोष कसबे यांनी सूत्रसंचालन केले. तर गोपनीय विभागाचे पोलीस कर्मचारी संपत मुळे यांनी आभार मानले.

 

MahaBulletinTeam

Share
Published by
MahaBulletinTeam

Recent Posts

पुणे-नाशिक व नाशिक-मुंबई राष्ट्रीय महामार्गांच्या दुरुस्तीची तातडीने आवश्यकता; उपमुख्यमंत्री अजित पवार यांची केंद्रीय मंत्री नितीन गडकरींकडे पत्राद्वारे मागणी

महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…

2 months ago

पुणे-रायगड-नगर-नाशिक जिल्ह्यासाठी GOOD NEWS..!

महाबुलेटीन न्यूज | प्रसन्नकुमार देवकर पुणे : हडपसर ते यवत आणि‌ तळेगाव-चाकण शिक्रापूर महामार्गाच्या रुंदीकरणासाठी…

2 months ago

एक वर्षांपासून वाँटेड आरोपीस पिस्तूलसह अटक, गुन्हे शाखा युनिट तीनची कामगिरी

महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…

2 months ago

40 वर्षांच्या तलाठ्यासोबत 20 वर्षीय कॉलेज तरुणी आढळली मृतावस्थेत, पुणे जिल्ह्यातील घटना, कार अन् चपलेमुळे भयंकर प्रकार समोर

महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…

2 months ago

खेड तालुका सहकारी खरेदी विक्री संघाचे संचालकपदी सतीश चांभारे यांची निवड

महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…

3 months ago

This website uses cookies.