गुरुचा वाढदिवस शिष्यानी केला असा साजरा

इंदापूर : येथील  संगणक तज्ज्ञ तुषार रंजनकर यांच्या पन्नासाव्या वाढदिवसानिमित्त त्यांच्या विद्यार्थ्यांनी त्यांचा वसा जपत बुधवारी (दि.५) बालकाश्रमासाठी शंभर किलो धान्य दिले. संवर्धनाचा निर्धार करत परिसरात एकावन्न वृक्षरोपे लावली.

          तुषार रंजनकर यांनी  संगणकाचे शिक्षण देण्यास इंदापुरमध्ये  सुरुवात केली. अनेक संस्था उभारल्या. विद्यार्थी संघटनेच्या कामातही ते अग्रेसर आहेत. विद्यार्थ्यांना मदत करणे, पर्यावरण संवर्धन हे त्यांच्या जिव्हाळ्याचे विषय आहेत. पाच ऑगस्ट रोजी त्यांचा वाढदिवस असतो.तो त्यांच्या कार्यपध्दतीप्रमाणे साजरा करण्याचा निर्णय गिरीश पाटील,अमोल राऊत,निलेश रासकर,सागर कांबळे,सोमनाथ माने,अमर शिंगटे,दीपक जगताप, शुभम क्षीरसागर,प्रशांत कुंभार, हेमंत साळुंखे,चैतन्य शिंदे या त्यांच्या आजी माजी विद्यार्थ्यांनी घेतला.

             इंदापूर येथील  माऊली बालकाश्रमातील विद्यार्थ्यांसाठी ७५ किलो धान्य व २५ किलो किराणा असे एकूण १०० किलो अन्न धान्य दिले. इंदापूर शहर परिसरात संवर्धनाचा निर्धार करुन ५० वृक्षरोपे लावली.