कोरोना

महाबुलेटीन रक्षाबंधन स्पेशल : डॉक्टरच झाल्या कोरोनाग्रस्तांच्या भगिनी

इंदापूरातल्या विलगीकरणात साजरे झाले रक्षाबंधन
महाबुलेटीन न्यूज / शैलेश काटे
इंदापूर : कोरोनाचा ठपका पडलेला रुग्ण एकाअर्थी विलगीकरणाच्या व्याख्येद्वारे काही दिवसांसाठी समाजापासून बाजुला टाकला जातो. त्यांना आप्तेष्ट, मित्रांना भेटणे अशक्य होते. यातच रक्षाबंधनासारखा सण आला तर रक्ताच्या नात्यातील बहिण भावांना भेटणे अशक्यच असते. ही मानसिक वेदना शारिरीक वेदनेपेक्षा जास्त यातना देते. मात्र या यातनांवर ही येथील उपजिल्हा शासकीय रुग्णालयातील महिला डॉक्टरांनी इलाज काढला. येथील विलगीकरण कक्षात कोरोनावर उपचार घेत असणा-या भावांच्या भगिनी होवून त्यांनी रक्षाबंधनाचा सण साजरा केला.
डॉ. सुजाता खुसपे व डॉ. दीपाली कोकरे हे या बहाद्दर महिला डॉक्टरांची नावे आहेत. गेल्या तीन साडेतीन महिन्यांपासून येथील शासकीय वसतिगृहात विलगीकरण कक्ष थाटला गेला आहे. कोरोनाग्रस्तांना तेथे आणले जाते. उपचार होतात. बरे झालेले त्यांच्या घरी जातात. गंभीर असणारे पुढील उपचारासाठी इतर ठिकाणी पाठवले जातात. मागील दोन आठवड्यापासून उपचारासाठी येणारांची संख्या लक्षणीयरीत्या वाढलेली आहे. सेवा सुश्रूषेचा ताण वैद्यकीय अधीक्षक व त्यांच्या सहका-यांवर आहे. मात्र कोणी ही आपल्या कर्तव्यात कसूर करत नाही.
रक्षाबंधनाच्या काळात तेथे दाखल असणा-या रुग्णांच्या बहिणींची इच्छा असून ही वैद्यकीय सुरक्षेच्या कारणास्तव त्यांना तेथे येणे अशक्य आहे. बहिण भावाच्या नात्यातील ह्या सर्वात पवित्र असणा-या सणाला भावांची मनगटे सुनीसुनी रहाणार, बहिणींचे डोळे आसवांनी भरणार हे चित्रच अस्वस्थ करणारे वाटल्याने या सर्व भावांना राखी बांधण्याचा निर्णय या दोन्ही डॉक्टरांनी घेतला. या द्वारे आपल्यासाठी काहीतरी करणारे कोणी आहे, ही भावना कोरोनाग्रस्तांमध्ये सकारात्मकता निर्माण करेल, अशी खात्री त्यांना वाटली त्यामुळे त्यांनी आपला निर्णय अंमलात ही आणला. त्यांच्या या कृतींमुळे यंदाचे रक्षाबंधन कोरोनाग्रस्तांच्या कायमचे लक्षात राहणार आहे.
admin

Recent Posts

पुणे-नाशिक व नाशिक-मुंबई राष्ट्रीय महामार्गांच्या दुरुस्तीची तातडीने आवश्यकता; उपमुख्यमंत्री अजित पवार यांची केंद्रीय मंत्री नितीन गडकरींकडे पत्राद्वारे मागणी

महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…

2 months ago

पुणे-रायगड-नगर-नाशिक जिल्ह्यासाठी GOOD NEWS..!

महाबुलेटीन न्यूज | प्रसन्नकुमार देवकर पुणे : हडपसर ते यवत आणि‌ तळेगाव-चाकण शिक्रापूर महामार्गाच्या रुंदीकरणासाठी…

2 months ago

एक वर्षांपासून वाँटेड आरोपीस पिस्तूलसह अटक, गुन्हे शाखा युनिट तीनची कामगिरी

महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…

2 months ago

40 वर्षांच्या तलाठ्यासोबत 20 वर्षीय कॉलेज तरुणी आढळली मृतावस्थेत, पुणे जिल्ह्यातील घटना, कार अन् चपलेमुळे भयंकर प्रकार समोर

महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…

2 months ago

खेड तालुका सहकारी खरेदी विक्री संघाचे संचालकपदी सतीश चांभारे यांची निवड

महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…

3 months ago

This website uses cookies.