चारित्र्याच्या संशयावरून प्रेयसीची चाकूने गळा चिरून हत्या

स्वतः पोलीस ठाण्यात जाऊन दिली गुन्ह्याची कबुली

महाबुलेटिन नेटवर्क / प्रतिनिधी
शिरूर : चारित्र्याचा संशय घेऊन शिरूर ( जि. पुणे ) येथे एका ३० वर्षीय महिलेचा प्रियकराने चाकूने गळा कापून खून केला असल्याची घटना घडली आहे.
पोलिसांनी दिलेल्या माहितीनुसार, ही घटना काल रात्री पावणेदोनच्या सुमारास घडली. सारिका नामदेव गिरमकर ( वय ३०, मूळ रा. कुऱ्हाडवाडी, निमोणे, ता. शिरूर, जि. पुणे ) असे खून झालेल्या महिलेचे नाव आहे. याप्रकरणी सारिकाचा प्रियकर दत्तात्रय गेनभाऊ गायकवाड ( रा. वाडा कॉलनी, ता. शिरूर, मूळ रा. शिंदोडी, ता. शिरूर, जि. पुणे ) याच्यावर खुनाचा गुन्हा दाखल करण्यात आला असून पोलिसांनी अटक केली आहे.
याबाबतची अधिक माहिती अशी कि, हे प्रेमी युगुल घरमालक फिर्यादी बबन पर्वतराव शेटे ( वय ६९, रा. वाडा कॉलनी, शिरूर ) यांच्या खोलीत जानेवारी पासून भाडेकरू म्हणून एकत्र राहत होते. सारिकाच्या चारित्र्याच्या संशयावरून त्यांची भांडणे होत होती. काल ( दि. २७ ) रात्री पावणेदोनच्या सुमारास सारिका झोपली असताना दत्तात्रय याने तिचा गळा चाकूने कापून खून करून कारेगाव येथे कंपनीत निघून गेला. त्यानंतर तो स्वतः पोलीस ठाण्यात जाऊन या गुन्ह्याची कबुली दिली. उपविभागीय पोलीस अधिकारी शर्मा मॅडम व पोलीस निरीक्षक खानापुरे यांच्या मार्गदर्शनाखाली सहाय्यक पोलीस निरीक्षक बी. एन. काबुगडे हे पुढील तपास करीत आहेत.