कोरोना

चाकण एमआयडीसीतील वासुली, भांबोली ‘हाय अलर्ट’ ; प्रतिबंधात्मक उपाययोजना म्हणून रविवार पर्यंत कडकडीत बंद

चाकण एमआयडीसीतील वासुली, भांबोली ‘हाय अलर्ट’ ; प्रतिबंधात्मक उपाययोजना म्हणून रविवार पर्यंत कडकडीत बंद

महाबुलेटीन न्यूज : दत्ता घुले
शिंदे वासुली, दि.१२ ( प्रतिनिधी ) : चाकण एमआयडीसी टप्पा दोनमधील गावांमध्ये कोरोनाचा संसर्ग झपाट्याने वाढत आहे. प्रामुख्याने एमआयडीसी मध्यवर्ती ठिकाणी असलेल्या वासुली व भांबोली गावांमध्ये कोरोनाचा फैलाव मोठ्या प्रमाणावर झाल्याने पुणे जिल्हाधिकाऱ्यांनी ही दोन गावे ‘हाय अलर्ट’ म्हणून जाहिर केली आहेत. कोरोना आटोक्यात आणण्यासाठी ‘ब्रेक द चैन’ या उपक्रमांतर्गत प्रतिबंधात्मक उपाय म्हणून स्थानिक ग्रामपंचायतींनी मंगळवार (ता.११) पासून रविवार (ता.१६) पर्यंत कडकडीत बंद पाळण्याचा निर्णय घेतला असून आजपासुन अंमलबजावणीला सुरुवात झाली आहे. 

कोरोनाच्या दुसऱ्या लाटेत एमआयडीसी प्रवण क्षेत्रातील गावांमध्ये कोरोनाचा उद्रेक होत असून रुग्ण संख्येत लक्षणीय वाढ होत आहे. या गावांमध्ये सामूहिक संसर्ग होऊन कुटूंबच्या कुटुंबे बाधीत होत आहेत. जिल्हाधिकाऱ्यांनी तालुका प्रशासनाला गाव समित्या कार्यान्वित करुन प्रतिबंधात्मक उपाययोजना करण्याचे आदेश दिले आहेत. तालुका स्तरीय अधिकाऱ्यांनी हाय अलर्ट व अलर्ट गावांना भेटी देऊन पहाणी करुन उपाययोजनांबाबत मार्गदर्शन करावयाच्या सुचना दिलेल्या आहेत. परंतु अद्याप तालुका प्रशासनाकडून बाधीत गावांची पहाणी केली नाही अथवा मार्गदर्शक सुचना दिल्या गेल्या नाहीत.

म्हाळुंगे पोलीस चौकीचे पोलीस निरीक्षक अरविंद पवार यांना गावबंदीचे पत्र देताना वासुली, भांबोलीचे सरपंच व पोलीस पाटील

दरम्यान वासुली व भांबोली ग्रामपंचायत व आपत्ती व्यवस्थापन समितीने ११ मे ते १६ मे पर्यंत गावबंदीचा निर्णय घेतला असून तशी माहिती खेड उपविभागिय अधिकारी विक्रांत चव्हाण व महाळूंगे पोलीस ठाण्याचे वरिष्ठ पोलीस निरीक्षक अरविंद पवार यांना माहिती सह कडकडीत बंद बाबतचे पत्र देण्यात आले. मंगळवार पासून या दोन्ही गावात, परिसरात व वासुली फाट्यावर दवाखाने व मेडीकल वगळून सर्व दुकाने बंद ठेवली असून नागरिकांना विनाकारण फिरण्यास व गावात विनाकारण प्रवेश करण्यास बंदी घालण्यात आली आहे.

 

गाव बंदीच्या पहिल्याच दिवशी नियमांचे उल्लंघन करणाऱ्या व्यक्ती व दुकानदारांवर वासुली व भांबोली ग्रामपंचायत व आपत्ती व्यवस्थापन समितीने धडक कारवाई करत दंडात्मक कारवाई केली. भांबोली फाट्यावरील एमआयडीसीच्या मुख्य रस्त्यावर पोलीस निरीक्षक अरविंद पवार यांच्या मार्गदर्शनाखाली पोलीस कर्मचारी व भांबोली ग्रामपंचायतीने नाकेबंदी करुन संयुक्त कारवाई केली.

संयुक्त कारवाईत वासुलीचे उपसरपंच विक्रम पाचपुते, पोलीस पाटील अमोल पाचपुते, ग्रामपंचायत सदस्य दिपक लिंभोरे, साईनाथ पाचपुते, शुभम दहातोंडे, गाव कामगार तलाठी दत्तात्रय केंगले, ग्रामसेवक श्रीधर नाईकडे, कर्मचारी सुरेश गावडे व भांबोलीचे सरपंच भरत लांडगे, शरद वाडेकर, जीवन राऊत, कर्मचारी मल्हारी माकर, अविनाश राऊत, काळूराम राऊत व मुकेश कसबे आदी उपस्थित होते.

दोन्ही गावच्या ग्रामपंचायत व आपत्ती व्यवस्थापन समितीने सर्व नागरिक, भाडेकरू, व्यावसायिकांनी बंद काळात सहकार्य करुन कोरोना आटोक्यात आणण्यासाठी सहकार्य करण्याचे आवाहन केले असून रस्त्यावर विनामास्क, कामाशिवाय फिरणाऱ्यांवर, एकत्र येऊन गर्दी करणाऱ्यांवर व दुकाने उघडून कोरोना संसर्ग वाढीस कारणीभूत ठरणाऱ्या सर्व घटकांविरुद्ध कायदेशीर व दंडात्मक कारवाई करणार असल्याचा इशारा दिला आहे. 
——————————

    तालुक्यातील हाय अलर्ट, अलर्ट, हॉटस्पॉट असलेल्या गावांमध्ये कॉन्टॅक्ट ट्रेसींग, अॅन्टीजन टेस्टींग, गाव सर्व्हेक्षण अधिक जलद गतीने व प्रमाण वाढी आदी उपाययोजना चालू आहे. ज्या गावांमध्ये रुग्णसंख्या जास्त आहेत अशा सर्व गावांमध्ये कडक लॉकडाऊन संदर्भात लवकरच निर्णय घेतला जाईल. कोरोना हॉटस्पॉट असलेली गावे प्रामुख्याने एमआयडीसी प्रवण क्षेत्रातील गावे व ज्या ठिकाणी कंपनी कामगारांचे वास्तव्य आहेत हे जरी खरे असले तरी कंपन्यां बंद बाबतचा निर्णय सर्वस्वी वरिष्ठ पातळीवरच होऊ शकतो.
— विक्रांत चव्हाण ( खेड उपविभागिय अधिकारी )
——————————–

MahaBulletin Team

Recent Posts

पुणे-नाशिक व नाशिक-मुंबई राष्ट्रीय महामार्गांच्या दुरुस्तीची तातडीने आवश्यकता; उपमुख्यमंत्री अजित पवार यांची केंद्रीय मंत्री नितीन गडकरींकडे पत्राद्वारे मागणी

महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…

2 months ago

पुणे-रायगड-नगर-नाशिक जिल्ह्यासाठी GOOD NEWS..!

महाबुलेटीन न्यूज | प्रसन्नकुमार देवकर पुणे : हडपसर ते यवत आणि‌ तळेगाव-चाकण शिक्रापूर महामार्गाच्या रुंदीकरणासाठी…

2 months ago

एक वर्षांपासून वाँटेड आरोपीस पिस्तूलसह अटक, गुन्हे शाखा युनिट तीनची कामगिरी

महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…

2 months ago

40 वर्षांच्या तलाठ्यासोबत 20 वर्षीय कॉलेज तरुणी आढळली मृतावस्थेत, पुणे जिल्ह्यातील घटना, कार अन् चपलेमुळे भयंकर प्रकार समोर

महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…

2 months ago

खेड तालुका सहकारी खरेदी विक्री संघाचे संचालकपदी सतीश चांभारे यांची निवड

महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…

3 months ago

This website uses cookies.