गुन्हेगारी

सासऱ्याने केले सुनेवर चाकूने वार… सून गंभीर जखमी.. ● चाकण पोलीस ठाण्यात गुन्हा दाखल…

सासऱ्याने केले सुनेवर चाकूने वार… सून गंभीर जखमी..
● चाकण पोलीस ठाण्यात गुन्हा दाखल…

महाबुलेटीन न्यूज
चाकण : संतोष नगर ( ता. खेड ) येथे सासऱ्याने सुनेवर लोखंडी सुरीने सपासप वार केल्याची घटना घडली आहे. सुनेवर हल्ला करून मोटार सायकलरून पसार झालेला सासरा पुणे-नाशिक महामार्गावर चाकण येथे रस्त्याच्या कडेला बेशुद्ध अवस्थेत आढळला आहे. सासरा आणि सून या दोघांवरही चाकण येथील एका खाजगी हॉस्पिटलमध्ये अतिदक्षता विभागात उपचार सुरु आहेत. याप्रकरणी सासऱ्यावर चाकण पोलीस ठाण्यात गुन्हा दाखल करण्यात आला आहे. 

राधिका येवले ( रा. संतोषनगर, वाकी बुद्रुक, ता. खेड, जि. पुणे ) असे हल्ला झालेल्या सुनेचे नाव आहे. तर पुरुषोत्तम दगडू येवले ( वय ७५ वर्षे ) असे सासऱ्याचे नाव आहे. 

पोलिसांना घटनास्थळी लाकडी मुठीची लांब पात्याची सुरी मिळाली आहे. राधिका आणि सासरा पुरुषोत्तम या दोघात मागील अनेक दिवसांपासून कौटुंबिक वाद सुरु होता. राधिका हिला घरात राहूच द्यायचे नाही, या कारणावरून तिला सासरा पुरुषोत्तम हा त्रास देत होता. बुधवारी (१६ जून) सकाळी राधिका ही घराच्या गच्चीवर कपडे वाळत घालण्यासाठी गेली असता सासरा पुरुषोत्तम हा सुनेला जीवे मारण्याच्या हेतूने पाठलाग करत गच्चीत गेला. त्यावेळी तेथे त्याने तिच्या मान, हात, गाल आणि पायावर लोखंडी सुरीने सपासप वार केले.

या हल्ल्यात सून राधिका ह्या गंभीर जखमी झाल्या. सासऱ्याच्या तावडीतून सुटत राधिका गच्चीवरून खाली धावत आल्या. पाठोपाठ सासराही खाली धावत आला. आणि दुचाकीवरून पसार झाला. शेजाऱ्यांनी जखमी राधिकाला तात्काळ रुग्णालयात हलविले. याप्रकरणी चाकण पोलीस ठाण्याचे वरिष्ठ पोलीस निरीक्षक अशोक राजपूत यांच्या मार्गदर्शनाखाली चाकण पोलीस अधिक तपास करीत आहेत.
००००

MahaBulletin Team

Recent Posts

पुणे-नाशिक व नाशिक-मुंबई राष्ट्रीय महामार्गांच्या दुरुस्तीची तातडीने आवश्यकता; उपमुख्यमंत्री अजित पवार यांची केंद्रीय मंत्री नितीन गडकरींकडे पत्राद्वारे मागणी

महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…

2 months ago

पुणे-रायगड-नगर-नाशिक जिल्ह्यासाठी GOOD NEWS..!

महाबुलेटीन न्यूज | प्रसन्नकुमार देवकर पुणे : हडपसर ते यवत आणि‌ तळेगाव-चाकण शिक्रापूर महामार्गाच्या रुंदीकरणासाठी…

2 months ago

एक वर्षांपासून वाँटेड आरोपीस पिस्तूलसह अटक, गुन्हे शाखा युनिट तीनची कामगिरी

महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…

2 months ago

40 वर्षांच्या तलाठ्यासोबत 20 वर्षीय कॉलेज तरुणी आढळली मृतावस्थेत, पुणे जिल्ह्यातील घटना, कार अन् चपलेमुळे भयंकर प्रकार समोर

महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…

2 months ago

खेड तालुका सहकारी खरेदी विक्री संघाचे संचालकपदी सतीश चांभारे यांची निवड

महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…

3 months ago

This website uses cookies.