पुणे, पिंपरी-चिंचवडमध्ये सार्वजनिक गणेशोत्सवास परवानगी नाहीच

पुणे येथे कोरोना निर्मूलन आढावा बैठकीत उपमुख्यमंत्री अजित पवार बोलत होते. यावेळी जिल्ह्यातील पदाधिकारी, अधिकारी उपस्थित होते. सार्वजनिक गणेशोत्सव याबाबत आपली भूमिका अजित पवार यांनी मांडली. कोरोनाचा धोका संपला नाही. त्यात गणेशोत्सवास परवानगी दिल्यास पन्नास ते पंचावन्न लाख लोक या काळात रस्त्यावर येऊ शकतात. यामुळे कोरोना संसर्ग वाढू शकतो.

जिल्ह्यातील कोरोना आटोक्यात येत असून सार्वजनिक गणेशोत्सवास परवानगी दिल्यास यास छेद बसेल. कोरोनाच्या पार्श्वभूमीवर पुणे आणि पिंपरी चिंचवड या शहरात सार्वजनिक गणेशोत्सव कार्यक्रमाना परवानगी नाही, अशी स्पष्ट भूमिका अजित पवार यांनी घेतली.