मावळात रिपोर्ट पॉझिटिव्ह ‘तेरी भी चूप मेरी भी चूप’ – तहसीलदार पॉझिटिव्ह

मावळ तहसीलदार मधुसूदन बर्गे यांना कोरणाची लागण तरीही समाजापुढे वेगळा आदर्श

महाबुलेटिन न्युज/तुषार वहिले
वडगाव मावळ : मावळ तालुक्यात कोरोना संसर्ग पॉझिटिव्ह रुग संख्या वाढत आहे, त्यामुळे चिंता व्यक्त करण्यात येत आहे. मावळात जवळपास १५०० च्या वर रुग्णांचा आकडा झाला आहे. यात ५०० च्या आसपास सक्रिय रुग्ण आहेत. काही बरे झाले आहेत, तर काहींचे उपचार सुरू आहे.

मावळात काही जण लक्षणे जाणवल्यास खाजगी दवाखान्यात जाऊन तपासणी करतात. पॉझिटिव्ह अहवाल आल्यावर ‘तेरी भी चूप मेरी भी चूप’ करत गुपचूप उपचार घेत आहेत. यात काही राजकीय नेते मंडळी, सामाजिक कार्यकर्ते आहेत. मात्र त्यांच्या संपर्कात आलेल्या कार्यकर्त्यांची मात्र भीतीने गाळण उडाली आहे. वास्तविक संपर्कात आलेल्या लोकांना खबरदारी म्हणून पहिले सूचित करणे अपेक्षित आहे; मात्र तसे होत नाही.

याउलट….
मावळचे तहसीलदार मधुसूदन बर्गे हे देखील कोरोना संसर्ग पॉझिटिव्ह सापडले असून कुठल्याही खाजगी दवाखान्यात न जाता शासकीय वैद्यकीय सल्ल्यानुसार घरीच उपचार घेत आहेत. सर्व संपर्कात आलेल्यांना खबरदारी म्हणून आपापले अहवाल तपासून घ्यावयास सांगितले आहेत. सामान्य नागरिकांना घाबरून न जाता शासनाच्या कोविड सेंटर मध्ये उपचार करावे, असे आवाहन देखील केले.

दरम्यान, कोरोना संसर्ग साखळी तोडण्यासाठी मावळात रहदारीच्या ठिकाणी कडक लॉकडाऊन करावे, तसेच दुकाने आस्थापना यांच्यावर वेळेचे बंधन घालावे, अशी मागणी सर्व सामान्य नागरिकांकडून होत आहे.