जुन्या पिढीतील पहिलवान व प्रसिद्ध गाडामालक बबबनराव राक्षे यांचे वृद्धापकाळाने निधन

जुन्या पिढीतील पहिलवान व प्रसिद्ध गाडामालक बबबनराव राक्षे यांचे वृद्धापकाळाने निधन

महाबुलेटीन न्यूज
राजगुरूनगर : राक्षेवाडी ( ता.खेड ) येथील जुन्या पिढीतील पहिलवान व प्रसिद्ध गाडामालक बबबनराव गेनू राक्षे यांचे नुकतेच वृद्धापकाळाने निधन झाले. मृत्यूसमयी ते नव्वद वर्षांचे होते. स्वातंत्र्यपूर्व चळवळीत सहभाग नोंदविणारे जुन्या पिढीतील सामाजिक, राजकीय क्षेत्रात बबनराव राक्षे यांचा दबदबा होता. 50 व 60 च्या दशकात कुस्ती क्षेत्रात खेड तालुक्यात त्यांचा नावलौकिक होता. एक नावाजलेले संयमी व्यक्तिमत्व असणारे बबनराव राक्षे पूर्वाश्रमीचे गाडामालक होते. ज्येष्ठ सामाजिक कार्यकर्ते व मार्शल आर्ट क्रीडा प्रकारातील  आंतरराष्ट्रीय दर्जाचे क्रीडापटू चंद्रकांत (भाऊ) राक्षे यांचे ते वडील होत. स्वर्गीय बबनराव राक्षे यांच्या पश्चात पत्नी, मुलगा, मुलगी, सून, जावई, नातवंडे, पतवंडे असा परिवार आहे. त्यांच्यावर राजगुरुनगर येथे अंत्यसंस्कार करण्यात आले.
—–