महाबुलेटीन न्यूज : हनुमंत देवकर
गोवा हिंदी अकादमी, गोवा पुरस्कृत राज्यस्तरीय हिंदी प्रचार, प्रसार संमेलनात पुणे जिल्ह्यातील 15 हिंदी विषय शिक्षकांना “भाषारत्न” पुरस्काराने सन्मानित केले गेले असल्याची माहिती संमेलनाचे राज्य सहसमन्वयक श्री. उस्मान मुलाणी यांनी दिली. विशेष म्हणजे पुणे जिल्ह्यातील खराबवाडी ( चाकण ), ता. खेड येथील नवमहाराष्ट्र विद्यालय या प्रशालेतील हिंदी विषय शिक्षक श्री. अशोक ठाणगे व श्री. अशोक शिंदे या दोन शिक्षकांना “भाषारत्न” पुरस्काराने गौरविण्यात आले.
गोवा येथे गोवा हिंदी अकादमी पुरस्कृत राज्यस्तरीय हिंदी प्रचार व प्रसार संमेलनाचे आयोजन दि.१९,२० व २१ फेब्रुवारी २०२१ रोजी पणजी मिरामार येथील हाॅटेल सोलमार मधील सभागृहात करण्यात आले होते.
जेष्ठ संपादक प्रभाकर ढगे यांच्या अध्यक्षतेखाली संपन्न झालेल्या या संमेलनाचे उदघाटन गोव्याचे कला, सांस्कृतिक आणि सहकार व आदिवासी कल्याण मंत्री गोविंद गावडे यांच्या हस्ते करण्यात आले.
या शानदार सोहळ्यासाठी देशाचे पूर्व केंद्रीय कायदा मंत्री व गोव्याचे उपमुख्यमंत्री वकील रमाकांत खलफ, गोव्याचे पूर्व मुख्यमंत्री रवी नाईक, गोव्याचे पूर्व क्रिडा व कृषिमंत्री रमेश तवडकर, गोव्याचे शिक्षण संचालक भगिरथ शेट्ये हे उपस्थित होते. तर गोवा हिंदी अकादमी गोवाचे अध्यक्ष सुनील शेट हे या संमेलनाचे स्वागताध्यक्ष होते.
या संमेलनामध्ये चर्चासत्र, कवी संमेलन, सांस्कृतिक कार्यक्रम आणि “भाषारत्न” पुरस्कार वितरण सोहळा संपन्न झाला. यावेळी काही महत्वपूर्ण ठरावही मांडले गेले. महाराष्ट्रातील निवडक शंभर हिंदी विषय शिक्षकांची निवड या संमेलनासाठी करण्यात आली असल्याची माहिती राज्य संमेलनाचे मुख्य संयोजक कैलास जाधव यांनी दिल्याचे सुभाष खरबस यांनी सांगितले. संमेलनाचे मुख्य संयोजक कैलास जाधव यांच्या मार्गदर्शनाखाली या संमेलनाचे नियोजन केले होते.
●श्री. अशोक ठाणगे व श्री. अशोक शिंदे यांना “भाषारत्न” पुरस्कार…
या सम्मेलनात नवमहाराष्ट्र विद्यालय खराबवाडी या एकाच प्रशालेतील अशोक ठाणगे व अशोक शिंदे या दोन हिंदी विषय शिक्षकांना राज्यस्तरीय “भाषारत्न” पुरस्काराने सम्मानित करण्यात आले.
खराबवाडी शिक्षण प्रसारक मंडळ या संस्थेचे अध्यक्ष शिवाजी कड, सचिव गोरक्षनाथ कड, प्रशालेचे अध्यक्ष प्रकाशशेठ खराबी, शालेय व्यवस्थापन समितीचे अध्यक्ष नंदाराम कड, प्रशालेचे मुख्याध्यापक अविनाश कड, तंटामुक्ती समितीचे अध्यक्ष रघुनाथ खराबी व सर्व संचालक मंडळ आणि शिक्षक वृंद यांनी दोन्ही शिक्षकांचे अभिनंदन केले.
——
महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…
महाबुलेटीन न्यूज | प्रसन्नकुमार देवकर पुणे : हडपसर ते यवत आणि तळेगाव-चाकण शिक्रापूर महामार्गाच्या रुंदीकरणासाठी…
महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…
महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…
महाबुलेटीन न्यूज | प्रसन्नकुमार देवकर चाकण ( पुणे ) : महाराष्ट्र हे उद्योगांना प्रोत्साहन देणारे…
महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…
This website uses cookies.