डिंभे धरणातून ४२२० हजार क्लुसेक्सने विसर्ग सुरू

गेल्या काही दिवसांपासून आहुपे, भीमाशंकर, पाटण खोऱ्यात चांगला पाऊस पडत असल्याने डिंभा धरण आज ओव्हरफ्लो झाले आहे. त्यामुळे आज सकाळी ७ वाजता घोड नदीत ४२२० हजार क्लुसेक्सने विसर्ग सुरू करण्यात आला आहे. पाऊस असाच सुरू राहिला तर विसर्ग वाढविण्यात येणार आहे. त्यामुळे नदीकाठच्या नागरिकांनी सतर्क रहावे. या धरणाचा फायदा आंबेगाव तालुक्याबरोबरच जुन्नर, शिरूर तालुक्यांना त्याचप्रमाणे नगर जिल्ह्यातील श्रीगोंदा व सोलापूर जिल्ह्यातील करमाळा तालुक्यात देखील होत असतो. त्यामुळेच या परिसरातील शेतकऱ्यांचा पाण्याचा प्रश्न सुटला आहे. धरणातील पाणीसाठ्यामुळे शेतकऱ्यांची चिंता दूर झाली असून आनंदाचे वातावरण पसरले आहे.