मुंबई : राज्याचे आरोग्यमंत्री राजेश टोपे यांच्या मातोश्री शारदाताई अंकुशराव टोपे ( वय ७४) यांचे आज ( दि. १ ऑगस्ट ) रात्री उशिरा प्रदीर्घ आजाराने निधन झाले. त्यांच्यावर मागील एक महिन्याभरापासून बॉम्बे हॉस्पीटलमध्ये उपचार सुरू होते. त्यांच्यामागे मुलगा, मुलगी, जावई, सून, नातवंडे असा परिवार आहे. त्यांचा अंत्यविधी रविवार ( दि. २ ऑगस्ट ) रोजी सायंकाळी ४ वाजता जालना जिल्ह्यातील पार्थपुर ( ता. अंबड ) येथे होणार आहे.