महाबुलेटीन न्यूज
आळंदी (अर्जुन मेदनकर) : येथील भैरवनाथ चौकात आळंदी ग्रामस्थांचे वतीने ग्रामदेवता शितळादेवी व श्री गणेश मंदिर जिर्णोद्धार निमित्त श्रींची प्राणप्रतिष्ठापना व मंदिराचे कलशारोहन निमित्त विविध धार्मिक कार्यक्रमाचे आयोजन करण्यात आले असल्याचे श्री भैरवनाथ महाराज उत्सव मंडळाचे अध्यक्ष शंकरराव कु-हाडे पाटील यांनी सांगितले.
दोन दिवशीय धार्मिक उपक्रमात रविवारी (दि.२५) होम हवन व श्रींचे मूर्ती स्थापना, सोमवारी (दि.२६) श्रींचे मूर्तीची विधिवत प्राणप्रतिष्ठापना, मंदिर कलशारोहण, सायंकाळी सात वाजता आळंदी ग्रामस्थ भजनी मंडळ यांचे वतीने भजन सेवा होणार आहे.
कलशारोहण शांतीब्रम्ह गुरुवर्य ह.भ.प. मारुती महाराज कुऱ्हेकर यांचे हस्ते होणार आहे. या प्रसंगी प्रमुख पाहुणे श्रीमंत दगडूशेठ हलवाई गणपती मंदिर ट्रस्टचे अध्यक्ष अशोकराव गोडसे, ट्रस्टचे उपाध्यक्ष सुनील रासने, खेडचे आमदार दिलीपशेठ मोहिते पाटील, मावळचे आमदार सुनील शेळके, वडगावशेरीचे आमदार सुनील टिंगरे, आळंदीच्या नगराध्यक्षा वैजयंता उमरगेकर, माजी उपाध्यक्ष व नगरसेवक सागर बोरुंदिया, प्रमुख विश्वस्त डॉ. अभय टीळक, विश्वस्त व पालखी सोहळा प्रमुख अॅड. विकास ढगे पाटील, संत तुकाराम महाराज यांचे वंशज ह.भ.प. बापूसाहेब मोरे, विठ्ठल रुख्मिणी मंदिरे समिति विश्वस्त अॅड. माधवीताई निगडे, आळंदी पोलिस स्टेशनचे वरिष्ठ पोलिस निरीक्षक ज्ञानेश्वर साबळे आदी मान्यवर उपस्थित राहणार आहेत. आळंदीकर ग्रामस्थांनी कार्यक्रमास उपस्थित राहावे, असे आवाहन श्री भैरवनाथ महाराज उत्सव मंडळाचे वतीने करण्यात आले आहे.
००००
महाबुलेटीन न्यूज l किशोर कराळे मुंबई, दि. ७: पुणे-नाशिक आणि नाशिक-मुंबई राष्ट्रीय महामार्गांवर मोठ्या प्रमाणात…
महाबुलेटीन न्यूज | प्रसन्नकुमार देवकर पुणे : हडपसर ते यवत आणि तळेगाव-चाकण शिक्रापूर महामार्गाच्या रुंदीकरणासाठी…
महाबुलेटीन न्यूज महाळुंगे ( चाकण एमआयडीसी ) : एक वर्षापासुन पाहीजे असलेल्या आरोपी कडुन १…
महाबुलेटीन न्यूज | आनंद कांबळे जुन्नर : पुणे जिल्ह्यातील जुन्नर तालुक्यातील दुर्गावाडी परिसरात एक धक्कादायक…
महाबुलेटीन न्यूज | प्रसन्नकुमार देवकर चाकण ( पुणे ) : महाराष्ट्र हे उद्योगांना प्रोत्साहन देणारे…
महाबुलेटीन न्यूज | राजगुरूनगर खेड कृषी उत्पन्न बाजार समिती सेवानिवृत्त सचिव सतीश चांभारे यांची खेड…
This website uses cookies.