चाकण पंचक्रोशीतील शून्यातून विश्व निर्माण करणारा युवा उद्योजक हरपला… सामाजिक कार्यकर्ते संजय मुंगसे यांचे निधन….

चाकण पंचक्रोशीतील युवा उद्योजक हरपला… सामाजिक कार्यकर्ते संजय मुंगसे यांचे निधन….

महाबुलेटीन न्यूज 
चाकण : बिरदवडी ( ता. खेड ) येथील यात्रा कमिटीचे अध्यक्ष, सामाजिक कार्यकर्ते व इलेक्ट्रिकल क्षेत्रात शून्यातून विश्व निर्माण करणारा उद्योजक संजय राजाराम मुंगसे ( वय ४६ ) यांचे आज अल्पशा आजाराने निधन झाले. सतत हसतमुख, अतिशय मितभाषी, मनमिळावू, नम्र व सर्वांना सहकार्य करणारा, सेवाभावी वृत्ती असा स्वभाव असल्याने चाकण पंचक्रोशीत, नातेवाईक व मित्र परिवारातून हळहळ व्यक्त केली जात आहे.

त्यांच्यामागे आई, पत्नी, दोन मुले, भाऊ, पुतणे असा परिवार आहे. खेड कृषी उत्पन्न बाजार समितीचे माजी संचालक काळुरामशेठ कड यांचे ते भाचे, उद्योजक सुनील वाळुंज व अनंतकृपा पतसंस्थेचे कर्मचारी संतोष वाळुंज यांचे ते मावस बंधू, उद्योजक दत्तात्रय साठे यांचे ते साडू, तर सामाजिक कार्यकर्ते विजय मुंगसे यांचे ते धाकटे बंधू होत. संजय यांच्यावर खासगी रुग्णालयात मागील दोन महिन्यांपासून उपचार सुरू होते. आज अचानक त्यांची प्राणज्योत मालवली. बिरदवडी येथील स्मशानभूमीत त्यांच्यावर अंत्यसंस्कार करण्यात आले.
——