महाबुलेटीन नेटवर्क
पुणे : लॉकडाऊन मुळे आर्थिक अडचणीत सापडलेल्या तृतीयपंथीयांना मंथन फाउंडेशनच्या वतीने किराणा साहित्य वाटप करण्यात आले.
मंथन फाउंडेशन दुर्लक्षित, दुर्बल घटकांसाठी गेली अनेक वर्ष काम करत आहे. सध्याच्या कोरोना काळात देखील मंथन फाउंडेशनचे सर्व कार्यकर्ते कुठीलीही भीती न बाळगता, सर्व काळजी घेऊन अविरत काम करीत आहेत.
तृतीय पंथी अर्थात ज्यांना समाज हिजडा वा किन्नर म्हणून ओळखतो, यांच्याबद्दल नेहमीच समाजामध्ये तिरस्कार व नावडती भावना राहिलेली आहे. तृतीयपंथी यांचे मुख्य काम म्हणजे रोडवर पैसे मागणे. लॉक डाऊनच्या कालावधीमध्ये या सर्वांना आर्थिक संकटाला सामोरे जावे लागले. दुर्लक्षित असल्यामुळे त्यांच्या पर्यंत मदतीचा ओघ पोहचलाच नाही.
मंथन फाउंडेशन संस्थेने हमसफर ट्रस्टच्या सहकार्याने ४० तृतीय पंथी यांना महिना भर पुरेल इतके रेशन देण्यात आले. यामध्ये गव्हाचे पीठ, तांदूळ, डाळ, साखर, चहा पावडर, हळद, तिखट, मीठ, तेल, कपडे, आंघोळीचा साबण, डिटर्जंट, कांदा, बटाटा व हँड सॅनिटायझर इत्यादींचे वाटप केले.
यावेळी मंथन फाउंडेशन अध्यक्षा आशा भट्ट, संस्थेचे सूरज भट्ट, देविदास मोरे, तृतीयपंथी रेश्मा दाभाडे, कुमाऊँ मित्र मंडळाचे कार्यकर्ते योगेश कापडी, देवेंद्र सिंग ढेक आदी उपस्थित होते. यासाठी हम सफर ट्रस्ट( HST, Mumbai) संदीप माने व दिनेश चोपडे यांचे सहकार्य लाभले. या उपक्रमाचे मंथन फाउंडेशन, हम सफर ट्रस्ट, रिलीफ फाउंडेशन व सर्व तृतीयपंथी यांनी संयोजन केले.