सिरम इन्स्टिट्यूटच्या पुण्यातील इमारतीला भीषण आग, आगीत 5 जणांचा होरपळून मृत्यू : महापौरांची माहिती

महाबुलेटीन न्यूज नेटवर्क
पुणे : सिरम इन्स्टिट्यूट ऑफ इंडियाच्या पुण्यातील हडपसर येथील इमारतीला भीषण आग लागली आहे. या आगीत 5 जणांचा होरपळून मृत्यू झाला असल्याची माहिती पुण्याचे महापौर मुरलीधर मोहोळ यांनी प्रसार माध्यमांना दिली आहे. 

आगीची माहिती मिळताच अग्निशमन दलाच्या पाच गाड्या घटनास्थळी दाखल झाल्या असून आग विझवण्याचे काम युद्धपातळीवर सुरू आहे. बीसीजी लसीचे उत्पादन सुरू असलेल्या सिरम इंस्टीट्यूटच्या मांजरी येथील नव्या इमारतीच्या दुसऱ्या मजल्यावर आज गुरुवारी दुपारच्या सुमारास आग लागली. आगीमुळे परिसरात धुराचे लोट पाहायला मिळाले. याची माहिती मिळताच अग्निशमन दलाच्या जवानांनी घटनास्थळी धाव घेतली असून आग विझवण्याचे काम सुरु आहे.

दरम्यान, ऑक्सफर्ड-अॅस्ट्राझेनच्या ‘कोविशिल्ड’ या लसीचे उत्पादन पुण्यातील सिरम इन्स्टिट्यूटमध्ये होत आहे. हिंदुस्थानमध्ये या लसीच्या आपातकालीन वापराला परवागनगीही मिळाली असून लसीकरणाला सुरुवातही झाली आहे. ‘कोविशिल्ड’ लसीचे उत्पादन सुरू असलेली इमारत सुरक्षित असल्याची प्राथमिक माहिती मिळत आहे.
—