महाबुलेटीन ब्रेकिंग न्यूज । शेलपिंपळगावात युवकाची गोळ्या घालून हत्या

महाबुलेटीन न्यूज : खेड तालुक्यातील शेलपिंपळगाव येथे ३८ वर्षाच्या युवकाची गोळ्या घालून निर्घृण हत्या करण्यात आली. ही घटना आज रात्री ९.०३ वाजण्याच्या सुमारास घडली. नागेश सुभाष कराळे ( वय ३८, रा. शेलपिंपळगाव, ता. खेड, जि. पुणे ) असे खून झालेल्या युवकाचे नाव आहे.

पोलीस सूत्रांकडून मिळालेल्या माहितीनुसार, शेलपिंपळगाव येथील मिलिंद बिअर शॉपी जवळ आज रात्री ९.०३ वाजण्याच्या सुमारास फोर्ड फिगो या गाडीतून आलेल्या हल्लेखोरांनी नागेश वर चार राउंड फायर केल्याचे समजते. त्यास चाकण येथील जयहिंद हॉस्पिटल येथे आणले असता डॉक्टरांनी उपचारापूर्वीच मयत झाले असल्याचे घोषित केले. पोलीस पथक घटनास्थळी दाखल झाले असून चाकण पोलीस पुढील तपास करीत आहेत.
००००