सहयोग मित्र मंडळाच्या वतीने रक्तदान शिबीर संपन्न

कोरोनाच्या पार्श्वभूमीवर सहयोग मित्र मंडळाच्या वतीने रक्तदान शिबिर

महाबुलेटीन न्यूज : प्रतिनिधी
म्हाळुंगे : कोरोनाच्या प्रादुर्भाव वाढत असताना देखील आपल्या सामाजिक कार्याची परंपरा खंडित होऊ नये, म्हणून म्हाळुंगे इंगळे ( ता. खेड ) येथील सहयोग मित्र मंडळाच्या वतीने रक्तदान शिबिराचे यशस्वीपणे आयोजन करण्यात आले.
त्यासाठी मंडळाच्या उत्साही कार्यकर्त्यांनी रक्तदान करून आज कोरोनाच्या संकटसमयी समाजाला अत्यंत गरज असलेले विधायक काम केलेले आहे. ३२ रक्तदात्यांनी रक्तदान केले.

असं म्हणतात कि, गरजेच्या वेळी केलेले दान हे नेहमीच श्रेष्ठ असते आणि त्यालाच अनुसरून कोरोनाची भीती असतानादेखील योग्य ती खबरदारी घेऊन सुरक्षित अंतर ठेवून सर्व नियमांचे पालन करून आपल्या सामाजिक कार्याची परंपरा अखंडितपणे चालू ठेवली.

यावेळी रक्तदान शिबिर यशस्वी करण्यासाठी मदत करणाऱ्या सर्व ज्ञात-अज्ञात घटकांचे आणि मंडळाच्या उत्साही कार्यकर्त्यांचे आभार मानण्यात आले.

याप्रसंगी शिवसेना उपजिल्हाप्रमुख शिवाजीराव वर्पे, चाकण ब्लड बँकेचे संचालक चंद्रकांत हिवरकर, सहयोग मित्र मंडळाचे योगेश तुपे, दत्तात्रय महाळुंगकर, दिनकर महाळुंगकर, मुकुंद महाळुंगकर, अमित तुपे, शैलेश जाधव, अमित पवार, विक्रम महाळुंगकर, महेश जाधव, दिनेश गायकवाड, समीर भोसले आदी मंडळाचे कार्यकर्ते उपस्थित होते.
——