खेड मधील तरुणाच्या ‘रक्षित:’ या मराठी शाॅर्ट फिल्मला बिहार मध्ये प्रथम क्रमांकाचे पारितोषिक

‘रक्षित:’ शाॅर्ट फिल्मला प्रथम क्रमांकाचे पारितोषिक

महाबुलेटीन न्यूज : प्रतिनिधी
वाडा ( पुणे ) : खेड तालुक्याच्या पश्चिम भागातील कलाकार दत्तात्रय तिटकारे यांनी अभिनय क्षेत्रात पदार्पन करुन हिंदीतील क्राईम पेट्रोल, सावधान इंडिया, तुझसे है राबता या मालिकेत काम करत ‘बाईकर्स अड्डा’ या मराठी चित्रपटामध्ये देखील अभिनयाचे काम केले. त्यांनी काही सहकाऱ्यांना सोबत घेऊन काढलेल्या ‘रक्षित:’ या शॉर्ट फिल्मला प्रथम पोरितोषिक मिळाले.

त्यांनी आदिवासी तरुणांना सोबत घेऊन जबरदस्त अशी अमोल टोंगरे दिग्दर्शित ‘रक्षित:’ ही शाॅर्ट फिल्म बनविली. या फिल्ममध्ये आदिवासी समाजाच्या संवेदना आणि संस्कृती लोकांपर्यंत पोहचावी, यासाठी आदिवासी समाजातील कथानक त्यात घेण्यात आले आहे.

रोशनी इंटर नॅशनल शाॅर्ट फिल्म आणि nawada international film festivel-2020 ( बिहार ) यामध्ये ही शॉर्ट फिल्म स्पर्धेसाठी देण्यात आली होती. यात रक्षित: या शॉर्ट फिल्मला प्रथम क्रमांकाचे पारितोषिक मिळाले आहे.

या शॉर्ट फिल्मसाठी अमोल टोंगरे दिग्दर्शित दत्ता तिटकारे, प्रॉडक्शन अॉफ वैनतेय भोसले, निकिता गुजर, विजया पिचड, श्रीकांत निचीत, दिपक जरड, रवी तेलधुने, भरत घावटे, विशाल पठारे या तरुणांचे मोलाचे सहकार्य लाभले.