पुणे-नासिक महामार्गावर टेम्पो व कंटेनरची धडक, दोनजण जखमी

पुणे-नासिक महामार्गावर टेम्पो व कंटेनरची धडक, दोनजण जखमी

महाबुलेटीन न्यूज 
चिंबळी ( प्रतिनिधी ) : पुणे-नासिक महामार्गावर चिंबळी गावच्या हद्दीत आज ( दि. ४ मार्च ) दुपारी पावणेचारच्या सुमारास कंटेनर व टेम्पोची धडक होऊन झालेल्या अपघातात टेम्पोमधील दोन जण जखमी झाले आहेत. जखमींची नावे अद्याप समजली नाहीत. 

चाकण बाजूकडून केक घेऊन जाणारा भरधाव टेम्पो व मोशी टोल नाक्याकडून येणारा कंटेनर यांची इंद्रायणी पुलाजवळ समोरासमोर जोरदार धडक होऊन अपघात झाला. टेम्पो क्रमांक ( एम एच १२-क्यू जी- ९५९३ ) हा रस्ता दुभाजक ओलांडून पलीकडे गेला असता समोरून येणाऱ्या कंटेनरची जोरदार धडक बसली. अपघातानंतर महामार्गावर वाहनांच्या रांगा लागून वाहतूक विस्कळीत झाली. स्थानिक नागरिकांनी टेम्पोच्या केबिन मध्ये अडकलेल्या दोघांना सुखरूप बाहेर काढले.