मातृदिन विशेष : काव्यमंच : आई माझे यशोगान…

🙏🌼आई माझे यशोगान🌼🙏

किती हार पुष्पगुच्छ
किती स्विकारु सन्मान
आई तुझ्या आशिर्वाद
झालं जीवनाचं गाणं ॥धृ॥

गाण्या वाचून जीवन
नाही याचं आलं भान
आई तुझे हे संस्कार
आलं त्यातून हे ज्ञान ॥१॥

झाले यशस्वी हे यश
तुझ्या आशिषाचे धन
केले तुझियाच नावे
आई माझे यशोधन॥२॥

माझ्या यशाचं हे गाणं
बघ ऐकलं जगानं
कुणी केलासे सन्मान
कुणा वाटे अभिमान॥३॥

पणं ऐकवू कसं ग
आई तुला माझं गाणं
माझ्या यशाचं हे गाणं
आई माझे यशोगान॥४॥

— निसर्गसखी सौ मंगला मधुकर रोकडे
🌼🙏🌼 🙏🌼🙏 🌼🙏🌼