मास्क न वापरणाऱ्या मोटर सायकल स्वार व नागरिकांवर नारायणगाव पोलिसांची कारवाई

महाबुलेटीन न्यूज
नारायणगाव ( किरण वाजगे ) : नारायणगाव पोलिसांच्या वतीने नारायणगाव बस स्थानक परिसरात व महामार्गावर मास्क न वापरणाऱ्यांवर दंडात्मक कारवाई करण्यात आली. अशी माहिती सहाय्यक पोलीस निरीक्षक दत्तात्रय गुंड यांनी दिली.

कोरोना विषाणू च्या प्रादुर्भावामुळे तोंडाला मास्क लावणे बंधनकारक असताना अनेक ग्रामस्थ, दुचाकीस्वार व नागरिक मास्क न लावता विनाकारण फिरत असतात अशा १६७ जणांवर दंडात्मक कारवाई करून ३३ हजार चारशे रुपये दंड नारायणगाव पोलिसांनी वसूल केला.

तसेच बेकायदा वाहन चालवणे व वाहन परवाना नसणाऱ्या १०१ जणांवर कारवाई करून २७ हजार ९०० रुपये दंड वसूल करण्यात आला. रविवारी एकूण २६८ जणांवर दंडात्मक कारवाई करण्यात आली असल्याची माहिती सहाय्यक पो निरीक्षक दत्तात्रय गुंड यांनी दिली.