MahaBulletin — 21 Apr 2026

नवीन वाहन नोंदणी मालिका:

पिंपरी चिंचवड RTO मध्ये दुचाकींसाठी ‘एन जे’ आणि चारचाकींसाठी ‘एन एच’ ही नवीन आकर्षक नोंदणी क्रमांक मालिका सुरू होत आहे. चारचाकींसाठी २२ एप्रिल रोजी तर दुचाकींसाठी २७ एप्रिल रोजी अर्ज सादर करता येतील.

कामगाराचा गंभीर अपघात:

चाकण येथील समर्थ इंडस्ट्रीजमध्ये डाय कास्टिंग मशीनवर काम करताना अनुभव नसलेल्या कामगाराचा उजवा हात गंभीर जखमी झाला. या प्रकरणी कंपनीचे विभागप्रमुख चौधरी यांच्यावर उत्तर चाकण पोलीस ठाण्यात गुन्हा दाखल करण्यात आला आहे.

वन भोजन’ संकल्पनेला प्रोत्साहन:

काळूस टेंगीरवाडी येथील रेशीम उद्योजक विजय टेंगिरे यांची रानभाज्यांवर आधारित ‘वन भोजन’ संकल्पना खेड तालुक्यात पोहोचणार आहे. बाजार समितीचे सभापती विजयसिंग शिंदे यांनी या उपक्रमाचे कौतुक करत त्याला व्यापक स्तरावर नेण्याचा मनोदय व्यक्त केला.

जमिनीच्या वादातून मारहाण:

पाईट येथील चोरगेवाडी येथे पूर्वीच्या शेतीच्या वादातून एका महिलेला दगडाने मारहाण करून जीवे मारण्याची धमकी दिल्याप्रकरणी समीर लक्ष्मण चोरघे याच्यावर गुन्हा दाखल करण्यात आला आहे.

मटका जुगारावर कारवाई:

येलवाडी येथे ‘कल्याण’ नावाचा मटका जुगार चालवणाऱ्या सुरज गाडे आणि दिनेश चव्हाण या दोघांवर दक्षिण भाळुंगे पोलिसांनी कारवाई केली. पोलिसांनी जुगार साहित्य आणि रोकड जप्त केली आहे.