लॉजच्या इमारती कोविड केअर सेंटरसाठी देण्याचा प्रस्ताव

इंदापूर: कोविड केअर सेंटरसाठी आपल्या मालकीच्या एकोणसाठ खोल्या असणा-या दोन इमारती विनामूल्य तत्वावर देण्याची तयारी ज्येष्ठ समाजसेवक,माजी नगराध्यक्ष अरविंद वाघ यांनी दर्शवली आहे. तसा प्रस्ताव त्यांनी तहसिलदार सोनाली मेटकरी यांच्यासमोर ठेवला आहे.

         शहरातील खडकपूरा व पुणे सोलापूर राष्ट्रीय महामार्गालगत पोलीस ठाण्याशेजारी या ठिकाणी

अरविंद वाघ व त्यांच्या कुटुंबातील सदस्याच्या मालकीचे दोन लॉज आहेत. त्यामध्ये अनुक्रमे ३९ व २० खोल्या व एक वातानुकुलीत कार्यालय आहे. या दोन्ही इमारती कर्तव्य म्हणून विनामूल्य तत्वावर कोविड केअर सेंटरसाठी देण्याचा वाघ यांचा मनोदय आहे. तसा प्रस्ताव त्यांनी तहसिलदार सोनाली मेटकरी यांच्यासमोर मांडला आहे.