निवडणुकांमुळे ग्रामपंचायत क्षेत्रातील या 10 गावांचे आठवडे बाजार मतदानाच्या दिवशी भरविण्यास जिल्हाधिकाऱ्यांची मनाई

महाबुलेटीन न्यूज नेटवर्क
पुणे, दि. 13 ( जि. मा. का. ) : पुणे जिल्हयातील ग्रामपंचायत सार्वत्रिक निवडणूक प्रक्रियेदरम्यान मतदान केंद्राच्या परिसरात कायदा व सार्वजनिक सुव्यवस्था राखण्यासाठी दिनांक 15 जानेवारी 2021 रोजी मतदानाचे दिवशी शिरुर, वेल्हा, आंबेगाव, जुन्नर, दौंड, इंदापूर व बारामती तालुक्यातील आठवडे बाजार भरविण्याबाबत मनाई आदेश जिल्हादंडाधिकारी तथा जिल्हा निवडणूक अधिकारी डॉ. राजेश देशमुख यांनी दिले आहेत. 

शिरुर तालुक्यातील मांडवगण फराटा, पाबळ, वेल्हा तालुक्यातील वेल्हे बु., आंबेगाव तालुक्यातील घोडेगाव, जुन्नर तालुक्यातील आळे, निमगांव सावा, दौंड तालुक्यातील यवत, इंदापूर तालुक्यातील रुई व निरगुडे तसेच बारामती तालुक्यातील सांगवी गावामधील आठवडे बाजार भरविण्यास मनाई करण्यात आली आहे. त्यापुढील शुक्रवार दिनांक 22 जानेवारी 2021 पासून आठवडे बाजार पूर्ववत भरविण्यात यावेत, असेही आदेशाद्वारे कळविण्यात आले आहे.