आळंदी जनकल्याण फाऊंडेशनचे अन्नछत्रास हुतात्मा राजगुरु पत्रकार संघांचे अध्यक्ष श्री हनुमंत देवकर यांची सदिच्छा भेट

साधकांना अन्नछत्र कार्डचे वाटप

निवडी निमित्त फाऊंडेशनच्या वतीने देवकर मामांचा सत्कार

महाबुलेटीन न्यूज : अर्जुन मेदनकर
आळंदी देवाची : आळंदी जनकल्याण फाऊंडेशन संचलित श्री मुक्ताई माऊली अन्नछत्र अंतर्गत आळंदी निवासी वारकरी साधकांना दैनंदिन मधुकरी वाटप सेवा सुरु करण्यात आली आहे. या ‘अन्नदान – श्रेष्ठ दान’ उपक्रमास हुतात्मा राजगुरू पत्रकार संघाचे खेड तालुका अध्यक्ष श्री हनुमंत देवकर, पत्रकार श्री प्रसन्नकुमार देवकर यांनी सदिच्छा भेट दिली.

यावेळी त्यांचेसह श्री.स्वा. ह.भ.प.जोग महाराज दिंडीचे प्रमुख ह.भ.प. गजानन महाराज लाहुडकर, आळंदी जनकल्याण फाऊंडेशनचे अध्यक्ष प्रल्हाद भालेकर, फाउंडेशनचे सचिव व जिल्हा पत्रकार संघांचे प्रतिनिधी अर्जुन मेदनकर, पत्रकार संघाचे उपाध्यक्ष हमीद शेख, सागर महाराज लाहुडकर, ज्ञानेश्वर घुंडरे पाटील आदी उपस्थित होते.

यावेळी उपस्थितीत मान्यवरांच्या हस्ते अन्नदान वाटप व साधकांना अन्नछत्र कार्डचे वाटप पत्रकार संघाचे तालुका अध्यक्ष हनुमंत देवकर यांचे हस्ते करण्यात आहे. यावेळी फाऊंडेशनचे अध्यक्ष श्री प्रल्हाद भालेकर यांचे हस्ते श्री देवकर मामांचा निवडी निमित्त सत्कार करण्यात आला. या प्रसंगी आळंदी जनकल्याण फाऊंडेशनचे अध्यक्ष प्रल्हाद भालेकर, सचिव पत्रकार अर्जुन मेदनकर, विश्वस्त व्यवस्थापक गजानन महाराज लाहुडकर यांनी उपक्रमाची माहीती दिली.